粵拼打字 真係好易

常見問題

1. 下載完之後要點安裝？裝完之後要做乜？

   Windows Mac Linux Android iOS

   1. 執行安裝檔，根據指示安裝。
   2. 喺打字嘅地方撳幾下鍵盤嘅 + Space 掣切換去「小狼毫輸入法」就可以用粵語拼音打字嘞。
      可能需要撳多幾次，直至右下角顯示為有 icon 嘅「小狼毫輸入法」。

   撳 Ctrl + `（注意係數字 1 左邊嗰粒掣，唔係單引號！）可以更改輸入法設定或者切換去其他輸入方式。

   1. 執行安裝檔，根據指示安裝。
   2. 去系統設定撳 鍵盤／Keyboard，喺「輸入方式／Input Sources」一節撳 編輯／Edit…，撳右下角嘅 + 號新增鍵盤，搜尋「鼠鬚管輸入法／Squirrel」，揾到之後撳 新增／Add。
   3. 喺打字嘅地方撳幾下鍵盤嘅 🌐 掣切換去「鼠鬚管輸入法／Squirrel」就可以用粵語拼音打字嘞。

   撳 Ctrl + `（注意係數字 1 左邊嗰粒掣，唔係單引號！）可以更改輸入法設定或者切換去其他輸入方式。

   1. 打開「終端機」（Terminal）執行以下命令嚟安裝 ibus-rime 同粵語拼音（安裝需時，請耐心等待）：

      curl -fsSL https://jyutping.net/rime-cantonese-install | bash

      安裝 fcitx5/fcitx5-rime（進階用户）

      如果你鍾意 fcitx5 多過 ibus，或者你用緊嘅 Linux distribution 冇得用 ibus，可以執行以下命令安裝：

      curl -fsSL https://jyutping.net/rime-cantonese-install | bash -s -- fcitx5

      如果你係第一次用 fcitx5，安裝後請根據 https://fcitx-im.org/wiki/Setup_Fcitx_5 同 https://fcitx-im.org/wiki/Using_Fcitx_5_on_Wayland 設定環境變數同配置檔案。
   2. 去系統設定撳 鍵盤／Keyboard 或者 地區及語言／Region & Language，喺「輸入方式／Input Sources」一節撳 + 號新增鍵盤，撳 … 顯示更多輸入法，搜尋「Rime」（位於「中文／Chinese」或者「其他／Others」），揾到之後撳 新增／Add。
   3. 喺打字嘅地方撳幾下鍵盤嘅 Super（）+ Space 掣切換去「Rime」輸入法。
   4. 打開螢幕右上角或者右下角嘅輸入法選單，揀 部署／Deploy，等個程式處理詞庫資料（需時約 10 秒，請耐心等待），之後就可以用粵語拼音打字嘞。

   撳 Ctrl + `（注意係數字 1 左邊嗰粒掣，唔係單引號！）可以更改輸入法設定或者切換去其他輸入方式。

   安裝完「粵拼輸入法」App 之後，根據指示啓用粵拼鍵盤。

   安裝完「Cantoboard」或者「粵拼輸入法」App 之後，透過程式入面嘅掣跳去程式設定，撳 鍵盤 → 開咗 （App 名） 同埋 允許全權取用 → 撳 確定，就可以啓用 App 鍵盤。

2. 我本身已經用緊 Rime 喇噃，噉要點樣加粵語拼音落 Rime 度？

   Windows Mac Linux Android iOS

   TL;DR

   如果你唔小心裝咗 rime.im 嘅版本，發覺冇粵拼，而你冇鬥過任何嘢，重新裝一次上面嘅版本冚咗佢即可。

   方法一

   直接重新安裝執行上面嘅安裝檔軟件嚟更新程式資料夾入面嘅詞庫，前提係：

   1. 從來冇執行過方法二或者方法三。因為方法二同三會將新詞庫放喺用户資料夾，呢個資料夾入面嘅檔案會優先於程式資料夾。
   2. 你冇人手改動過程式資料夾入面嘅檔案。呢啲變更喺安裝嗰陣會被覆蓋。

   方法二

   1. 喺打字嘅地方撳幾下鍵盤嘅 + Space 掣切換去小狼毫輸入法。
   2. 喺螢幕右下角個「中」字上面撳滑鼠右鍵，揀 輸入法設定。
   
   3. 撳 獲取更多輸入方案…。
   
   4. 複製以下內容，然後喺彈出嚟個命令行界面撳滑鼠右鍵貼上：

      cantonese emoji-cantonese CanCLID/rime-loengfan lotem/rime-octagram-data lotem/rime-octagram-data@hant

   5. 閂咗「Rime package installer」個視窗佢，去返「方案選單設定」視窗勾選「粵語拼音」，然後撳 中。
   6. 跟住揀返自己鍾意嘅配色，再撳 中 嚟完成設定。
   7. 去返個「中」字上面撳滑鼠右鍵，揀 重新部署，等個程式處理詞庫資料（需時約 20 秒，請耐心等待），之後就可以用粵語拼音打字嘞。

   撳 Ctrl + `（注意係數字 1 左邊嗰粒掣，唔係單引號！）可以更改輸入法設定或者切換去其他輸入方式。

   方法三

   1. 喺螢幕左下角個 掣上面撳滑鼠右鍵，揀「終端機」（Terminal / Windows PowerShell）。
   2. 複製以下內容，然後喺彈出嚟個命令行界面撳滑鼠右鍵貼上：

      irm https://jyutping.net/rime-cantonese-install-schema.ps1 | iex

   3. 撳 Enter 執行命令（安裝需時，請耐心等待）。
   4. 其中佢可能會彈出叫你安裝 git，要撳 允許，冇 git 裝唔到 plum。
   5. 喺螢幕右下角個「中」字上面撳滑鼠右鍵，揀 重新部署，等個程式處理詞庫資料（需時約 20 秒，請耐心等待），之後就可以用粵語拼音打字嘞。

   撳 Ctrl + `（注意係數字 1 左邊嗰粒掣，唔係單引號！）可以更改輸入法設定或者切換去其他輸入方式。

   TL;DR

   如果你唔小心裝咗 rime.im 嘅版本，發覺冇粵拼，而你冇鬥過任何嘢，重新裝一次上面嘅版本冚咗佢即可。

   方法一

   直接重新安裝執行上面嘅安裝檔軟件嚟更新程式資料夾入面嘅詞庫，前提係：

   1. 從來冇執行過方法二。因為方法二會將新詞庫放喺用户資料夾，呢個資料夾入面嘅檔案會優先於程式資料夾。
   2. 你冇人手改動過程式資料夾入面嘅檔案。呢啲變更喺安裝嗰陣會被覆蓋。

   方法二

   1. 複製以下內容，然後打開「終端機」（Terminal），撳 ⌘ Cmd + V 貼上：

      curl -fsSL https://jyutping.net/rime-cantonese-install-schema | bash

   2. 撳 Enter 執行命令（安裝需時，請耐心等待）。
   3. 其中佢可能會彈出叫你安裝 git，要撳 允許，冇 git 裝唔到 plum。
   4. 打開螢幕右上角嘅輸入法選單，揀 重新部署／Redeploy，等個程式處理詞庫資料（需時約 10 秒，請耐心等待），之後就可以用粵語拼音打字嘞。

   撳 Ctrl + `（注意係數字 1 左邊嗰粒掣，唔係單引號！）可以更改輸入法設定或者切換去其他輸入方式。

   1. 如果你已經用緊 ibus-rime，可以直接打開「終端機」（Terminal）執行以下命令（安裝需時，請耐心等待）：

      curl -fsSL https://jyutping.net/rime-cantonese-install-schema | bash

      如果你用緊 fcitx5-rime

      詞表預設會裝／更新落 ibus，如果想裝落 fcitx5，請執行以下命令：

      curl -fsSL https://jyutping.net/rime-cantonese-install-schema | rime_frontend=fcitx5-rime bash

      如果你有 ibus 但未有 ibus-rime 或者有 fcitx5 但未有 fcitx5-rime，請執行第 ⒈ 條問題嘅命令。
   2. 打開螢幕右上角或者右下角嘅輸入法選單，揀 部署／Deploy，等個程式處理詞庫資料（需時約 10 秒，請耐心等待），之後就可以用粵語拼音打字嘞。

   撳 Ctrl + `（注意係數字 1 左邊嗰粒掣，唔係單引號！）可以更改輸入法設定或者切換去其他輸入方式。

   同文 Trime

   想喺「Trime」用粵拼打字嘅朋友請去 Telegram 羣組諮詢。

   唔想咁麻煩嘅話，建議直接去上面安裝「粵拼輸入法」App。

   iRime 輸入法

   開啓「iRime」App，去「語言列表」入面揀「粵語拼音」就可以啓用粵拼。

3. 詞庫似乎好舊下，點更新個碼表？

   同上面加粵語拼音落 Rime 嘅步驟一模一樣。

4. 我撳咗 Ctrl + `，但係輸入法選單冇彈出嚟，係咪壞咗？

   有三個可能性：

   1. 你啱啱撳完 重新部署，輸入法仲部署緊。喺你睇呢條問題之際好可能已經部署完成，你再試多次吖。
   2. 你撈亂咗 ` 同埋 '（單引號）→ 解決辦法：撳 `（數字 1 左邊嗰粒掣）。
   3. 【macOS】你撈亂咗 ⌘ Cmd (Command) 同埋 ⌃ Ctrl (Control) → 解決辦法：撳 Ctrl。

   都係唔得嘅話，重新安裝一次好大機會會解決到個問題。

5. 明明已經切換咗去個輸入法度，但仲係出英文，到底發生咩事？

   有幾個可能性：

   1. 你啱啱撳完 重新部署，輸入法仲部署緊。喺你睇呢條問題之際好可能已經部署完成，你再試多次吖。
   2. 你改動過用户資料夾或者程式資料夾，整爛咗啲嘢 → 解決辦法（Windows）：
      1. 喺打字嘅地方撳幾下鍵盤嘅 + Space 掣切換去小狼毫輸入法。
      2. 喺螢幕右下角個「中」字上面撳滑鼠右鍵，揀 用户資料夾。
      3. 刪除所有檔案，唔好刪除資料夾。
      4. 去返個「中」字上面撳滑鼠右鍵，揀 程式資料夾。
      5. 今次淨係刪除個 data 資料夾，唔好刪除檔案。
      6. 重新安裝一次本頁上面嘅程式。

6. 我裝咗都仲係唔用到，點算？

   無論遇到咩問題，都可以入我哋嘅 Telegram 羣組揾大家幫手。

7. 有冇咩工具可以幫我查粵拼？

   遇到唔識拼音嘅字可以去 jyut.net 度查，呢個係最權威嘅在線粵音字典。電腦版嘅 Rime 粵拼可以撳 ` 或者 v 或者 x 嚟用普通話拼音、倉頡、筆畫反查。啱開始用粵拼打字嗰陣可能會唔熟手，唔使擔心，打得越多就會越熟練。只要打多幾次，粵拼就會變成你最自然嘅打字方法。

   如果仲有其他問題，都可以去 Telegram 羣組入面揾大家解答。